Madaxweynaha Somalia iyo wafdi uu hoggaaminayo oo goor-dhow gaaray Magaalada Boosaaso

Janaayo 07 (Ceegaag) — Madaxweynaha Somalia, Xasan Sheekh Maxamuud iyo wafdi ballaaran oo uu hoggaaminayo ayaa goor-dhow gaaray magaalada Boosaaso ee Puntland, halkasoo si weyn loogu soo dhaweeyay.
Wafdiga madaxweyne Xasan oo ay ka mid ahaayeen wasiirro iyo xildhibaanno ayaa waxaa gaaroonka diyaaradaha magaalada Boosaaso kusoo dhaweeyay mas’uuliyiin kala duwan oo ka tirsan maamulka Puntland.
Socdaalka madaxweyne Xasan Sheekh uu ku tagay magaalada Boosaaso ayaa la sheegay in uu salka ku hayo ka qaybgalka xaflad xarigga looga jarayo garoonka diyaaradaha Boosaaso oo dhawaan dayactir lagu sameeyay.
Booqashadan ayaa waxay noqonaysaa tii ugu horreysay oo uu madaxweynaha Somalia ku tago Boosaaso tan iyo markii xilka loo doortay sannadkii 2012, inkastoo uu horay dhowr jeer u booqday Garoowe.
Ceegaag.com