Madaxweyne Xasan Sheekh oo xariga ka jaray Dhismaha Safaarada Somalia ee Beligum

Dawladnimada Soomaaliya oo dib ugu soo noqonasa Caalamka ayaa waxaa hada bilaamay in dib loo furo safaaradiihii aynu ku lahayn wadamada qaarkii oo noqday meelo ay dadka Soomaalida ahi Qaxooti ahaan u joogaan inta aysan helin sharciyada wadamadaa ay joogaan.

Danjiraha Soomaaliya ee dalka Belgium, isla markaana ah ergayga Soomaaliya ee Midowga Yurub, Cali Saciid Fiqi ayaa dhawaan waxaa warqadaha aqoonsiga ah ka guddoomay Boqorka dalka Belgium. Fiqi ayaa sheegay in dayactir lagu billaabay safaaradda ayna ku guuleysteen inay ka dhigaan goob lagu shaqeyn karo.

Madaxwayne Xasan Sheekh ayaa furay safaaradaa oo wax ka tari doonta Siyaasada dibada ee dalka maadaama ay ku taalo xudunta looga taliyo wadamada Yurub.