Marwada 1aad ee dalka Saynab Macalim oo dhagax dhigtay xarun caafimaad oo loogu talagalay daryeelka hooyada iyo dhallaanka

‘Maanta waxaan si wada jir ah uga dhagax dhignay magaalada Baraawe aniga iyo Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed (Lafta-gareen) xarun loogu talagalay daryeelka caafimaad ee hooyada iyo dhallaanka.

Xaruntan caafimaad, waxa ay gacan ka geysan doontaa dadaallada wax ka qabashada dhibaatooyinka soo wajaha hooyada iyo dhallaanka Soomaaliyeed ee ku nool deegaannada Shabeellaha Hoose, gaar ahaan magaalada Baraawe iyo deegaannada ku xeeran.

Waxa nasiib wanaag ah, in Baraawe ay noqotay magaaladii koowaad ee laga hirgeliyo mashruucan.’