Muqdisho: Raysalwasaare Cumar Cabdirashiid oo lakulmay Waftigii Madaxwayne Galaydh

Dr. Cali Khaliif Galaydh iyo wafdigiisa ayaa waxaa xafiiskiisa ku qaabiley raysal wasaaraha xukuumadda Soomaaliya Cumar cabdirashiid Cali Sharma’arke, iyagoo kawada hadlay iskaashi buuxa oo dhexmara labada dhinac iyo xoojinta xiriirka Khaatumo iyo dowlada federaalka.

Kulanka ayaa waxaa sidoo kale goob-joog ka ahaa wasiirka gaadiidka cirka iyo dhulka xukuumadda Soomaaliya Dr. Cali Axmed Jaamac (Jengeli), xildhibaano iyo mas’uuliyiin kale. Madaxweyne Dr. Cali Khaliif Galaydh ayaa in mudo ah ku sugnaa magaalada Muqdisho, wuxuuna kulamo la qaatay madaxda sare ee dowlada Soomaaliya, safiirada Soomaaliya u jooga dalalka reer galbeedka qaarkood, diblomaasiyiin iyo sidoo kale saraakiil katirsan hay’adaha qaramada midoobey. Maamulka Khaatumo ayaa mudooyinkan u muuqda mid horumar ka sameeyey xiriirka dhanka beesha caalamka iyo sidoo kale siyaasada ku wajahan dowlada federaalka Soomaaliya.

Ceegaag.com