MURTISOOR: MAANSADII “HIIL-HOOYO” W/C: Axmed-Assad

              HIIL-HOOYO

-Illaahay Hodansanaa

-Haweenku wanaagsanaa

-Hadaanaan Hali lahayn

-Kuwaa noo Hagar baxay

-Halaagu markuu na helay

-Kuwii nala soo halgamey

-Markaan habaqlaha ahayn

-Kuwaa wada haybada leh 

-Ragoo iska haydhafle ah

-Kuwaa Harka iyo dugsi leh 

-Dhirtiiyoon Harac Lahayn

-Kuwaa Hidaheena sida

-Hagoogan ee wada jiqda ah

-Kuwaa Hurdo aan aqoon

-Habsami xil u gudan yaqaan

       ...

-Kuwaa Hufan ee qurxoon

-Aduunyadu Heli karayn

-Kuwaa Haybadiyo kalgacal 

-Wanaaga u Heelanka ah

-Kuwaa Hayin looga dhigay

-Dhalaankeena lagu hamiyo

-Kuwaa Hoyga noo dhisee

-Hanfiga dayr nagaga xira  

-Kuwaa Higilkee dugsooon

-Xagaagoo hababac yiri

       ...

-Haweenku wanaagsanaa

-Kolkuu Harku uu rogmado

-Cadceedoo Holac ka kulul

-Hanfigu uu soo baxee

-Hawadu ay siigo tahay

-Hooyada Soomaliyeed

-Waxabay hufaysaa intaa

-Galay bay haadiyaan

-Haruurkay noo tumaan

-Caruurtay noo Habaan

-Halbawlay noo yihiin

-Hadii aan garanaynee

           ...

-Aroortii hadal qurxoon

-Habeenkii eray macaaan

-hantida maan uga dhignoo

-Maruun hagardaamadiyo

-Halgaada ka dhaafno’eey

-Ragyohow hiifkiyo kadaa

-Hanjabaada xaq'aan ahayn

-Hoh iyo way-way ha oran

-Iyagaa Hanadnimo mudane!

Wuxuu Axmed-Assad aad uga tiiraanyooday markii uu arkay in raga Soomaliyeed qalbigoodu si u maahsan yahay, oo Soomalinimo, wadaninimo iyo walalnimo iska daaye xataa naxariistii muslim-nimo ka guurtay. Halkaaas oo ay u bidhaantay in haweenkiina si dhabar adayg ah u gudanayaan waajibaadkoodii. 

Hooyooyinka Soomaliyeed si ay u kafaala qaataan quudinta qoysaskooda waxay intaa bacadka siigada leh ku iibinayaan alaabooyinka ay ka mid yihiin, caanaha, khudaarta, dhuxusha, irbadaha, xaabada, cawska, burjikooyinka IWM.  Halka ragga qaar badan oo ka mid ahi ay u taagan yihiin, dil, dhac, kufsi, axmaqnimo, qaad, daroogo, tubaako iyo sidii ay uga dhici lahaayeen waxoogaagii hooyadu caruurta u soo tacabtay(Ragga noocan oo kale ah waxay haweenka waqooyigu u yaqaanaan naanaysta ah Ruubaa-Raqaa)

Axmed-Assad isaga oo ku dhaliilaya nimanka Soomaliyeed kaalintooda ay gabeen, kuna dhiiri gelinaya in ay waajibkooda si xalaala ah u gutaan; islamarkaana haweenka ku dhiiri gelinaya inay dadaalka sii laban-laabaan ayaa wuxuu yiri:

01-Haweenkeena qaaliga ah

02-Hadaf-sare oo gobanimiyo

03-Himilo walaal-doonisiyo

04-Horumar nabad iyo samay

05-Intaa nala haybiyaaan

06-Hurdiyo raaxaba ka tage

07-Gaajaa hayl-hayshayoo

08-Habeenkii way qarwaan

09-Haraad wayn bay qabaan!

                     ...

10-Waxay Heelan u yihiin

11-Sidii loo Hormarin lahaa

12-Hooygaa aan seexaniyo

13-Hugaa aan xirano-iyo

14-Halaabada aan cuniyo

15-Dalkeenoo Hodan noqday

16-Intaa u hagoogan yiin

        ...

17-Hooyooyinka na xambaarayoow

18-Hibaaqyadii aan dhalnoow

19-Hablihii aan la dhalanayoow

20-Haweenkii noo dhaxooow

21-Horseed bulsho baad tihiin

22-Hidihii baad wali sidaan

23-Hiraabtii baad kacdaan

24-Harkaad noo baqoolaysaan

25-Hawl-qabad wacan baad tihiin

26-Horaad noo marinaysaan

         ...

27-Bal aan hakiyaa halkaa

28-Hilaabta u yara dhigtee

29-Higaada u yara qabtee

30-Hal qura aan milicsadee

31-Hooyooyinka aan xusee

32-Hablaha sharaftood qiree

33-Hoobaaleeyda ila dhaha

34-Hadaad Soomaali tiin!

       ...

35-Haweenku inuu hanaddo yahay

36-Kolkay Hiirtii tahiyo

37-Habeenkoo wali mugdi ah

38-Hurdayo aadmigu dhamaan

39-Hab raaxo u jiifayaan

40-Iyagu way hawlan yiin

41-Hankooday gudanayaan

42-Hawshooday qabanayaan

      ...

43-Dabay Holciyaan aroor

44-Waxay huriyaan dhimbiil

45-Canjeelay Halalmacshaan

46-Daawaha ay hoolayaan

47-Hanfiyo Saliid kulul ayaa

48-Hareerta ka leefaysoo

49-Hoor iyo ilinbaa ka quban

50-Hiih iyo silic bay intaa

51-Hooyooyinku nagu korshaan

       ...

52-Ragoow adiguna Hagaag

53-Halkaagii ka soo dhalaal

54-Hurdaayoow waar ka toos

55-Habeen baa kuu dumoo

56-Haweenkaa kaa mudanne!

       ...

57-Hooyooyinka baadiyuhu

58-Hiirtii bay noo kacaan

59-Xoolahay soo Hagaajiyaan

60-Haruub caano ah ayay

61-Ka soo Halaloobiyaan

62-Hamaha qabadiyo argeeg

63-Hagaag maygaaga ugu culan

64-Hamuun wacan oo udgoon

65-Ayay hilayaan intaas

66-Si loo Helo dheef macaan

67-Habeenkaana loo kabtiyo

       ...

68-Haweenku wanaagsanaa

69-Kolkuu Harku uu rogmado

70-Cadceedoo Holac ka kulul

71-Hanfigu uu soo baxee

72-Hawadu ay siigo tahay

73-Hooyada Soomaliyeed

74-Waxabay hufaysaa intaa

75-Galay bay haadiyaan

76-Haruurkay noo tumaan

77-Caruurtay noo Habaan

78-Halbawlay noo yihiin

79-Hadii aan garanaynee

       ...

80-Aroortii hadal qurxoon

81-Habeenkii eray macaaan

82-hantida maan uga dhignoo

83-Maruun hagardaamadiyo

84-Halgaada ka dhaafno’eey

85-Ragyohow hiifkiyo kadaa

86-Hanjabaada xaq'aan ahayn

87-Hoh iyo way-way ha'oran

88-Iyagaa Hanadnimo mudane!

       ...

89-Hadii Hanti aanay jirin

90-Hagarli'i xoogooday intaa

91-Hiil iyo hooba noo huraan

92-Halkii suuq ugu dhawbay

93-Waxay noo heli karaaaan

94-Haday burjikiyo kutahay

95-Haleelada caano geel

96-Amaba Hal-xanjiyo sigaar

97-U haybshaan sixiru suuq

98-Si loo helo quutalyoom

99-Oo uu qoysku u hirqado!

       ...

100-Iyadoo ilmuhu Hiigayaan

101-Haraad iyo oon ku nool

102-Habkay dhuxusha u gadaan

103-Yaambada ula Haadayaan

104-Sareenka u Haadiyaan

105-Hilbaha u dareerimaan

106-Qofkii Hooyo ay dhashoow

107-Haweenka Soomaliyeed

108-Hibiyo Cisi iyo wanaag

109-Hawraar wacan iyo naxriis

110-Ayaad ku Hadaaqi lahayd

111-Habeen iyo maalin bay

112-Ilmadu kaa Hoori layd

113-Hadii nasab aad tahoo

114-Hidiyo dhaqan leedahee!

       ...

115-Markay ragu Haajiraan

116-Colaadaha hurinayaan

117-Rasaasta u heegan yiin

118-Hub culusiyo kaarihiyo

119-Hoobiyeyaalkiyo madfaca

120-inagu kala heerayaan

121-dab inagu hurushaynayaan

122-Halbawle is'goyanayaan

123-Sokeeyaha hiifayaan

124-Abtiga Hanaq-goynayaan

125-Oo ay culimada Halgaad 

126-Haraati ku laynayaan

127-Hooyadu ubadkay intaas

128-Hagaagiisa jeceshahoo

129-hawshooday u taagan tahay

130-Dhabtay ku dul Haynaysaa

131-Horaadkay siinaysaa

132-Dharkay u Huluuqaysaa

133-Hurdada way ka caagan tahay

134-Marka Hargab uu ku dhaco

135-Ilmihii loo heesayee

136-Hoobeey Hoobeey la yirri!

       ... 

137-Illaahay Hodan sanaa

138-Haweenku wanaagsanaa

139-Hadaanaan Hali lahayn

140-Kuwaa noo Hagar baxay

141-Halaagu markuu na helay

142-Kuwii nala soo halgamey

143-Markaan habaqlaha ahayn

144-Kuwaa wada haybada leh 

145-Ragoo iska haydhafle ah

146-Kuwaa Harka iyo dugsi leh 

147-Dhirtiiyoon Harac Lahayn

148-Kuwaa Hidaheena sida

149-Hagoogan ee wada jiqda ah

150-Kuwaa Hurdo aan aqoon

151-Habsami xil u gudan yaqaan

       ...

152-Kuwaa Hufan ee qurxoon

153-Aduunyadu Heli karayn

154-Kuwaa Haybadiyo kalgacal 

155-Wanaaga u Heelanka ah

156-Kuwaa Hayin looga dhigay

157-Dhalaankeena lagu hamiyo

158-Kuwaa Hoyga noo dhisee

159-Hanfiga dayr nagaga xira  

160-Kuwaa Higilkee dugsooon

161-Xagaagoo hababac yiri

       ...

162-Haraadka kuwaa na tiray

163-Jiilaalkoon noo Hambayn

164-Hoh iyo way kuwaan lahay

165-Haantoo salku uu engegay

166-Hagardaamo kuwaan lahyn

167-Hadii martiyi u timaad

168-Handadaada kuwaan ku kicin  

169-Dadkoo Haniyaha is jaray

170-Hubiyo wax-dhac aan lahayn

171-Dalkoo Holac uu ka baxay

172-Hiifkiyo ciil kuwa ku nool

173-Halyayga markii la dilo

174-Kawaa ilmo Hililiq oran

175-Harmoodku markuu goblamo

176-Hiirtaanyo kuwaa ku nool

177-Agoomaha Haqabka tira

178-Hagbada kuwa inoogu jira

179-Si ay noo horumarshaan

       ....

180-Hadraawi kuwuu ku yiri

181-Aduunyo Hooyadda la'aan

182-Haraad kama aad baxdeen

183-Iftiinkana maad Hesheen

184-Kuwaa Halyaygii Carays

185-inay tahay lama Huraan

186-Halhays maanso uga dhigay

187-Kuwaa Hanadkii Kadiye

188-Hawshoodii inay guteen

189-Hooyaalaha gabay ku qiray

       ...

190-Halkale aan ugu daree

191-ILLAAHOOW Haybadlooow

192-Hal-wacan iyo khayr baxshoow

193-Humaag dam ah nuuriyooow

194-Halaag dadkoo ku jira

195-Rasuul soo Haabiyoooooow

196-Hidaayad gartoow macbuud

197-Wax badan baan Hibanayaaa

       ...

198-Haweenka Soomaliyeed

199-Ragoodii waa habsane

200-Hoobiye baasuukiyo

201-Hubiyo halisiyo rasaas 

202-Naftoodii ku Haligee

203-Hilibkooduu dugaag cunaa

204-Sidii Harag layska nacay

       ...

205-Hadeeyoow Eebe-ooow

206-Hooddaaloow Deeqsiyoow

207-Illaaha Hantida Lehoow

208-Ducooyinka midka Hirgashoow

209-Hawraar xaq ah oofiyoow

210-Halbaan kaa tuugayaa

       ...

211-Haweenkeena qaaliga ah

212-Hablaha Gobtee qurxoon

213-Heshiis colaada u badala

214-Hilaac roob oo nasri leh

215-Habsami beeruhu u baxaan

216-Hohobta faraq ugu gurtaan

217-Haleelada ugu godlaan

218-Habeen wacan oo dayaxah

219-Heelada ay ugu tuntaan

220-Hawd wacan oo bilicsame’a 

221-Hoy weyn ay uga dhistaan

222-Hurdada ay ugu bogtaan

223-Hawshana ay kaga nastaan

224-Hidaha ay ugu dhaqmaan

225-Tacliintana ugu hodmaan

226-Raxmaanoow ugu hibee

       ...

227-Illaahoow haybadloow

228-Aduunbaa heli karee

229-Hadiyad barakaysan sii

230-Intay haatan noolyihiin

231-Hadhow iyo aakhirana

232-Halkii uu nabigu tegay (SCW)

233-Hoygii janadee wacnaa

234-Hantidu ay buux ahayd

235-Hoodadu tiilay ee Fadaws

236-Habuuqiyo raysku yiil

237-Hoobaantu casaan ahayd

238-Barwaaqadu Hodan ahayd

239-Hadda iyo Woowga aan guntee

240-Illaahoow hore ka gee

       ...

241-Illaahoow haybadloow

242-Hawl iyo darxumay qabaan

243-Adaa wax Hagaajiyee

244-Horseed xuurarcayn kayeel

245-Hilmaan nagama ay mudnoo

246-Hormuud bay noo yihiin

247-Heshiisbay jecelyihiin

248-Wanaagbay haybiyaanooo

249-Hooyooyinku waa xalaale

250-Illaaahooooow horumar sii

AAAMIIIN AAAMIIIN AAAAMIN!

Waxaa Curiyay: Axmed-Assad

Facebook.com/Murtisoor

Twitter: AxmedAssad

Email: Ahmedy98@yahoo.com