Qarax xoogan oo goordhow ka dhacay Magaalada Muqdisho.

Warar dheeraad ah ayaa kasoo baxaya qarax xoogan oo goordhow ka dhacay degmada Hodan ee gobolka Banaadir, iyadoona qaraxaas ay warar kala duwan kasoo baxayaan.

Qaraxa ayaa si gaar ah kaga dhacay Isgoyska KM4 ee magaalada Muqdisho, waxaana lasoo sheegayaa inuu ahaa mid loo adeegsaday gaari laga soo buuxiyay waxyaabaha qarxa.

Dad goobjoogayaal ah ayaa Ceegaag.com usheegay inuu qarxay gaari nooca Roneedka ah oo yaalay isgoyska KM4 ee degmada Hodan gobolka Banaadir.

Waxaa jira qasaaro ka dhashay qaraxaas oo sida ay wararka tilmaamayaan lala beegsaday ciidamo katirsan kuwa dowlada oo kusugnaa halka qaraxa uu ka dhacay.

Xaalada ayaa kacsan iyadoo rasaas la maqlayay qaraxa kadib, waxaa sidoo kale jira dhawacyo loo qaaday isbitaalada iyo farmashiyaasah ku dhow halka qaraxa ka dhacay.

Ciidamada dowlada ayaa wada haatan howlgalo ay ku baadi goobayaan qaraxaas iyo faah faahintiisa waxaa sidoo kale lasoo sheegayaa in halka qaraxa ka dhacay ay gaareen saraakiil dowlada katirsan.

Wararkii soo kordha dib kala soco ceegaag.com Insha Allah