Qaxooti uu hor kacayo Fanaan Axmed Naaji Sacad oo ka yimid Yaman ayaa soo gaaray Dalka DJabuuti

Dooni sida dad ka soo cararay Dagaaladda Ka socda dalka Yeman ayaa ku soo xidhatay Marsada Magaalada Djabouti ee xarunta dalkaas Jamhuuriyadda Djabouti. Dadkan oo u badnaa qaxoontigii soomaalida ah ee ku dhaqnaa dalka Yeman ayaa waxa dhinaca kale wehelinayay Fanaanka caanka ah ee Axmed Naaji Sacad.

Alfanaan Axmed Naaji Sacad ayaa uga mahad celiyay dawlada Djabouti qaabka fiican ee ay ugu qaabishay dalkeeda, waxaanu xusay in ay tahay wax aad loogu farxo. Soomaalida iyo ajnabiga kale ee ku sugan dalka Yeman ayaa iskaga baxay, waxaana hada dalkaasi ka soo cararaya dadka u dhashay dalka Yeman oo qaarkood ay soo gaareen Somaliland. Sidoo kale wadamada Ethiopia, Djabouti iyo kuwa kale ee la jaarka ah Yeman ayaa iyaguna qaabilay qaxoontiga reer yemaneed.