Ra’iisul Wasaarihii Somalia Mudane Xasan Cali Khayre ayaa aqbalay xilka qaadis maanta gudoonka baarlamanku sheegay in lagu sameeyey isaga iyo xukuumadiisa.

Aniga oo og: Raysalwasaare Xasan Cali Khayre

? In waxii maanta golaha shacabka ka dhacay ay ahaayeen sharci darro, loona marin habraacii saxda ahaa ee xil ka qaadis xukuumadeed.
? In xitaa aanay ajandaha ku jirin
? in aanay waafaqsanayn dastuurka iyo shuruucda dalka

Haddane waxaan go’aansaday inaan iska casilo xilka aan ummadda Soomaaliyeed u hayay, aniga oo dhowraya midnimada dalka iyo inaan dib loogu laaban burbur iyo dhibaato. Si aan ugu turo shacabka Somaaliyeed, qaybna uga noqon Khalkhal iyo dib u dhac siyaasadeed, mid dhaqaale, amni iyo bulsho.

Kheyre oo goordhow warbaahinta kula hadlay Muqdisho ayaa caddeeyay inuu baneeyay xilka uuna u mahad celinayo Xukuumaddii la soo shaqeeysay mudada saddexda sano iyo barka aheyd ee la soo dhaafay.

“Waxaan go’aansaday inaan anigu ummadda Soomaaliyeed u noqdo tusaale oo aan iska casilo xilkii ummadda Soomaaliyeed u hayay” ayuu yiri khayre.
Guddoomiyaha Golaha Shacabka Soomaaliya ee baarlamaanka federaalka Maxamed Mursal Sh Cabdiraxmaan ayaa sheegay in baarlamaanka uu maanta kalsoonidii kala noqday xukumaadda ra’uusul wasaare Xasan Cali Khayre.

ceegaag.com