Raysal-Wasaare Cumar Cabdirashiid oo Maanta Gaadhay Magaalada Cadaado

Raysal Wasaaraha Soomaaliya Cumar Cabdirashiid Sharmaarke ayaa maanta gaadhay magaalada Cadaado ee Xarunta maamulka Xibin Iyo Xeeb. Raysal-Wasaare Sharmaarke iyo wafdigiisa waxa garoonka ku soo dhaweeyay mas’uuliyiinta Xibin iyo Xeeb iyo weliba qaar ka mid ah musharaxiin u taagan maamulka loo samaynayo gobolada dhexe.

Magaalada Cadaado weli waxa ka socda shirka la doonayo in maamul loogu sameeyo gobolada dhexe balse waxa hadheeyay khilaafaad soo noq-noqday kaas oo sababay in la dhiso laba Guddi farsamo. Sharmaarke ayaa kulamo gaar gaar ah la filayaa in uu la yeesho qaybaha bulshada iyo saxeexayaasha maamulka loo samaynayo Gobolada dhexe.