Saddex Qof oo ku Dhimatay Doon ku Degtay inta u Dhexaysa Kismaayo iyo Raas-kaambooni

Saddex qof aya ku dimatay doon galinkii dambe ee maanta ku degtay meel ku dhow xeebta magaalada Kismaayo ee xarunta gobolka Jubbada hoose.

Doonta oo waddey Qaad ayaa ka timid deegaanka Raas-kaambooni, kuna socotay Kismaayo, sida uu warbaahinta u sheegay, Aadan Maxamed Koosaar oo ka mid ah saraakiisha maamulka KMG ah ee Jubbaland.

Koosaar ayaa intaas ku daray in gurmad ay u direen  doonta kadib markii la helay qaylo dhaanteeda lagu badbaadiyey oo kaliya naaquudihii doonta.

Sarkaalku ma sheegin sababta rasmiga ah ee ka dambeysey in ay degto doontu.

Qaadka la geeyo Kismaayo oo ka yimaada dalka Kenya ayaa gawaari fudud lagu geeyaa deegaanka xeebta ku yaalla ee Raas-kaambooni, halkaas oo laga saaro doomo gaarsiiya Kismaayo.

Ceegaag Online

Xafiiska Wararka Kismaayo-Somalia