Shir ay isku yimaadeen Garadka Guud, Siyaa-siyiin iyo Waxgarad ka soo jeeda Khaatumo

Shirkan ayaa ka dhacay Hotel Jazeera ee Muqdisho ayaa lagu gorfeyey xaaladda Siyaasadeed, Colaadaha ka jira deegaanadda Khaatumo iyo Abaaraha ba’an ee ka jira SSC.

Shirkan oo ahaa mid si weyn looga soo qayb galay ayaa gabo gabadii laga soo saaray labo qodob oo kala ahaa

1. In si deg deg ah loo joojiyo Colaadaha Higladda iyo Dharkayn waxana ka qayb galayaasha shirku hoosta ka xariiqeen in xiligan Colaad Sokeeye loo baahnayn sidoo kale waxay bogaadiyeen dadaaladda lagu joojinayo Colaadaha Sokeeyaha
2. Ka qayb galayaashu waxa ay ugu baaqayaan Jaaliyadaha dibadda, Shirkadaha Ganacsi iyo guud ahaan bulshadda Khaatumo in ay garab istaagan dadka Abaaraysan ee Xaaladda adag ku jira sidoo kale Gudiga Abaaraha qaran iyo Bulshadda Caalamkana waxa ay ka codsadeen in ay kaalmo la gaadhaan reer Guuraaga Khaatumo oo ah meelaha ay abaartu aadka u saamaysay.