Shirkii Hiiraan & Sh/dhexe oo dib u furmaya”Odowaa”

Wasiirka arimaha gudaha dowladda Soomaaliya Cabdiraxmaan Maxamed Xuseen Odawaa ayaa sheegay in maalinta berri ah uu Jowhar ka furmi doono shirka wajiga labaad ee maamul usameynta Hiiraan iyo Sh/Dhexe, xilli shalay ay degmada Buula-burde ay gaareen xubno ka tirsan dowladda Soomaaliya. Guddoomiyaha Degmada Buulo burte Cabdicasiis Cabdullaahi Cabdi Duurow ayaa sheegay in degmada ay u baahantahay in dib loo soo celiyo adeegyadii bulshada.

Wasiirka amniga gudaha ee xukuumadda Soomaaliya Mudane Cabdirisaaq Cumar Maxamed ayaa sheegay in degmada Buulo burde amnigeedu yahay mid la isku haleyn karo, isla markaana Sugidda nabadgalyada magaalada iyo dib u furista waddooyinka ay kala shaqeyn doonaan ciidamaa xoogga dalka iyo kuwa AMISOM, si dib loo furo isu socodka waddooyinka.

Wasiirka Arrimaha gudaha iyo Federaalka ee Xukuumadda Soomaaliya Mudane Cabdiraxmaan Maxamed Xuseen Odawaa ayaa sheegay In ujeedka socdaalka ay tahay sidii ay ugu kuurgeli lahaayeen xaaladda amniga ee degmada, isla markaana ay u qiimeyn lahayeen baahiyaha ka jirta degmada, si dib u dayactir lagu sameeyo xarumaha muhiimka ah. Wasiir odowaa ayaa xusay in sabtiga soo sacda uu Jowhar ka furmi doono shirka odoyaasha dhaqanka, uuna ku rajo weynyahay in uu mira dhalo shirka mamul u sameynta gobollada hiiraan iyo Shabeelaha dhexe, waxaana wafdiga ay gelinkii dambe ee maanta ay dib ugu soo laabteen caasimadda.

Ceegaag.com