Soomaaliya ayaa ku guuleystay kursiga madaxweyne ku-xigeenka golaha guud ee QM

Soomaaliya ayaa ku guuleystay kursiga madaxweyne ku-xigeenka golaha guud ee Qaramadda Midoobay, sida ay goor dhow shaaciyeen howl-galka Soomaaliya ee QM.

Madaxweynaha Golaha Guud ee QM ayaa horraantii bishan loo doortay Volkan Bozk?r oo u dhashay dalka Turkiga, waxaana Soomaaliya ay maanta ku guuleysatay ku-xigeenka Golaha Guud ee QM.

Safiirka Soomaaliya ee QM Abuukar Daahir Cusmaan (Abuukar Baalle), ayaa noqonaya madaxweyne ku-xigeena golaha guud ee QM ee kalfadhigga 75-aad ee 2020/21, waana markii ugu horreysay muddo 33 sano ah oo Soomaaliya ay xilkan qabato.

Soomaaliya ayaa saddex goor oo hore noqotay madaxweyne ku-xigeenka golaha guud ee QM, xiliyadaas oo kala ahaa 1963-1964 oo uu noqday Xasan N. Cilmi, 1979-1980 oo ay kala noqdeen Cabdirisaaq Xaaji Xuseen iyo Axmed M. Aadan Qaybe, iyo 1986-87 oo uu noqdo Abdullahi D. Osman.

ceegaag.com