Widgetized Section
Go to Admin » Appearance » Widgets » and move Gabfire Widget: Social into that MastheadOverlay zone
Ugu yaraan afar Ruux oo kamid ah Shacabka Magaalada Buuhoodle ayaa Caawa Fiidkii ku dhaawacmay Tacshiirad ka dhacday Gudaha Magaalada Buuhoodle,
Ugu yaraan afar Ruux oo kamid ah Shacabka Magaalada Buuhoodle ayaa Caawa Fiidkii ku dhaawacmay Tacshiirad ka dhacday Gudaha Magaalada Buuhoodle, tacshiiradani ayaana timid kadib Markii nin dablay ahi uu Rasaas ku furay nin kale oo fadhi Goob Maqaayad ah oo shaaha laga cabo Waxana tacshiiradaasi ay saamayn ku yeelatay Guud ahaanba Dadkii Maqaayada fadhiyey.
Ugu yaraana afar Ruux ayaa Xabadihii ninkaasi dablayda ahi furay caawa fiidkii ay ku dhaceen dadkii Maqaayada joogay, Dhamaana Dadkaasi Waxaa haatan lagu daawaynayaa Xarumaha Caafimaadka ee Magaalada Buuhoodle oo Qaarkamid ahi dhaawacyadoodu aad u fudud yihiin Halka Mid kamid ah dadkaasi Rasaastu ku dhacday Dhaawacoodu yahay Mid Xabdu lugaha kaga dhacday.
Lama Yaqaano sababta keentay in ninkani dablayda ahi uu rasaastaasi ku furo Goobtaasi Maqaayada ah, Laakiin Warar Madaxbanaan oo Ceegaag.com heshay ayaa sheegaya in ninkani dablayda ahi uu Doonayey Mid kamid ah dadkii Maqaayada Joogay oo isagu rasaasta ka fakaday Caawa Fiidkii oo aanay isaga Waxba soo gaadhin, Xaalada ayaana iminka degan Guud ahaanba Magaalada Buuhoodle.
Ceegaag
News
Figradihiina