WAR DEG DEG AH – QARAX AAD U WEYN OO KA DHACAY AROORTII HORE EE SAAKA DEGMADA SHIBIS

June 21(ceegaag)Qarax ismiidaamin ah ayaa waxaa lala eegtay xarun lagu tababaro ciidamada nabad sugida,qaraxaan oo ay daba socdeen rasaas xoog badan oo ay isweydaarsadeen qoladii soo weerartay iyo ciidamadii dowlada ee halkaasi ku sugnaa.
Wararka ayaa sheegaya in qaraxa oo ahaa mid ismiidaamin loo adeegsaday gaari waxyaabaha qarxa laga soo buuxiyay ayaa dhacay abaarihii 6-dii subaxnimo ee xilliga muqdisho.
Warar qaar ayaa sheegaya in ragga weeraray halkaas ay qaldeen bartilmaameedka oo aanay gelin iskuulka, waxaana jira khasaaro ka dhashay weerarkaas oo ay ku jiraan dad rayid ah oo degenaa guryo ku dhow halka weerarka ka dhacay
Afhayeenka Wasaaradda Amniga Maxamed Yuusuf ayaa sheegay inay ka hortageen weerarka ragga hubeysan ku soo qaadeen Iskuulka Shibis, isagoo xusay inay dib ka soo sheegi doonaan wixii khasaare ah.
Weerarkan saaka ka dhacay magaalada Muqdisho ayaa noqonaya kii u horeeyay tan iyo markii ay bilaabatay bisha Ramadaan, iyadoo Al-Shabaab ay horay ugu goodiyeen inay kordhinayeen weerarada bisha Ramadaan.
Maalmahaan ayaa ciidamada dowlada waxay sameynayeen dhoolatus ay ku sheegeen in amniga ay si,aad ah ugu sugayaan inta lagu guda jiro bisha barakeysan ee ramadaan,iyadoo aad arkeyso in isgoys kasta ay taaganyihiin ciidamada dowlada.
Ceegaag muqdisho