Wararkii ugu danbeeyay ee diyaarad Hub usiday Amisom oo gubatay iyo Qasaaraha oo…

Inta la hubo 4 qof ayaa ku dhintay halka laba kalana ay ka badbaaday ka dib markii diyaarad u siday hub ciidanka AMISOM ay gubatay maanta 09 Aug, 2013 garoonka diyaaradaha Muqdisho.
Ciidanka cirka Ethiopia ayaa lahaa diyaaradan hubka siday, waxana ku timid cilad ka dib markii ay degi lahayd waxaana ubixi waayay cagaha, iyadoona arintaasi sababtay in hubka iyo saanadihii ay siday si fudud u qarxaaan dabkii dhashay awgeed.
Inkastoo ciidanka AMISOM ee Garoonka ku sugan isku dayeen inay demiyaan dabka ama yareeyaan waxyeelada haddana gebi ahaanba waxa ku basbeelay goobta diyaaradii, hubkii iyo saanadii Miiteri.
AMISOM barta Twitterka ay ku leedahay ayay ku sheegeen in dabdemiyaasha AU inay ku guuleysteen badbaadinta nolosha laba ruux oo haatan lagu dabiibayo Isbital ku yaal Xalane.