Xaflad loogu dabaaldagayay Doorashada madaxda Khaatumo oo lagu qabtay Magaalada Antwerp ee dalka Belgium.

Waxaa magaalada Antwerp ee wadanka Belgium ka dhacay xaflad lagu taageerayay doorashada madaxda cusub ee Khaatumo State, laguna cambaareenayay duulaankii qaawanaa ee maamulka Somaliland kusoo qaadey magaalada Saaxdheer.

Xafladan oo ay soo agaasimeen Jaaliyadaha Khaatumo ee wadamada Biljimka, Faransiiska iyo Holland ayaa waxaa ka qayb galay Sareeye Gaas Axmed Saleebaan Cabdalle (Dafle) oo si guud u sharaxay taariikhda iyo magaca Khaatumo meesha uu ka yimi isagoo ku nuux nuuxsaday sida uu u taageersanyahay maamulka Khaatumo State of Somalia.

Ahmed Saleebaan Dafle ayaa sidoo kale qadka Telephoonka ugu hambalyeeyay Madaxweyne Cali Khaliif, isagoo u sheegay in reer Khaatumo oo dhammi garab taagan yihiin, sidoo Axmed Saleebaan ayaa digniin u jeediyay shaqsiyaadka reer Khaatumo ee hoos fadhiya maamulada kale in ay karaamo daro ka qaadayaan, tolkoodna ceeb usoo jiideen.

Xaflada ayaa kusoo gabagabowdey jawi heer sare ah.